"Вулверхэмптон" ҳимоячиси Райан Аит-Нури Англия Премьер-лигасининг топ-клубларидан бири эътиборини тортди. Бу ҳақда The Independent журналистлари хабар бермоқда.
Манбанинг хабарига кўра, 23 ёшли ҳимоячининг трансферига "Манчестер Юнайтед" қизиқиш билдирмоқда. "Манчестер Юнайтед" бош мураббийи Рубен Аморим январь ойидаги трансфер ойнасида ушбу позицияни мустаҳкамлашни мақсад қилган. Аит-Нурининг бозор қиймати 35 миллион еврога тенг. Унинг "бўрилар" билан шартномаси 2026 йилнинг ўрталарига қадар тузилган.
Жорий мавсумда ҳимоячи 22 та ўйин ўтказиб, 4 та гол урди ва 5 та голли узатмани амалга оширди.
