Birmingemning “Aston Villa” klubi “Levante”dan himoyachi Andres Garsiyani sotib olganini e’lon qildi.

“Baquvvat va maqsadga intiluvchi, bu mavsumda u uchta gol va uchta golli uzatmaga ega. 21 yoshli valensiyalik futbolchi o‘ng qanot himoyachisi yoki hujumchi qanot sifatida harakat qila oladi. Xush kelibsiz, Andres!" — deyiladi ingliz jamoasi rasmiy saytida.

Garsiya 2019 yildan beri "Levante" tizimida o‘ynamoqda. Himoyachi asosiy tarkibda 50 ta o‘yin o‘tkazib, 4 ta gol urdi va 6 ta golli uzatmani amalga oshirdi.