Ayollar o‘rtasidagi Ispaniya Superkubogi finalida "Barselona" "Real"ni mag‘lub etdi.
Leganes shahrida bo‘lib o‘tgan o‘yin Kataloniya klubining 5:0 hisobidagi g‘alabasi bilan yakunlandi.
Birinchi bo‘limda Eva Payor dubl qayd etgan bo‘lsa, Karolin Xansen yana bir golga mualliflik qildi. Tanaffusdan keyin Patrissiya Gixarro va Aleksiya Putelyas bittadan gol urishdi.
Ispaniyaning amaldagi chempioni "Barselona" kubokni ketma-ket to‘rtinchi va so‘nggi olti yil ichida beshinchi bor qo‘lga kiritdi.













