Аёллар ўртасидаги Испания Суперкубоги финалида "Барселона" "Реал"ни мағлуб этди.
Леганес шаҳрида бўлиб ўтган ўйин Каталония клубининг 5:0 ҳисобидаги ғалабаси билан якунланди.
Биринчи бўлимда Эва Пайор дубль қайд этган бўлса, Каролин Хансен яна бир голга муаллифлик қилди. Танаффусдан кейин Патрицция Гихарро ва Алексия Путельяс биттадан гол уришди.
Испаниянинг амалдаги чемпиони "Барселона" кубокни кетма-кет тўртинчи ва сўнгги олти йил ичида бешинчи бор қўлга киритди.













