Chempionlar ligasi umumiy bosqichining sakkizinchi turida Londonning “Arsenal” jamoasi safarda Ispaniyaning “Jirona” klubi mehmoni bo‘lib, 2:1 hisobida zafar quchdi. "Kanonirlar" ustozi Mikel Arteta uchrashuvdan so‘ng o‘yin haqidagi fikrlari bilan o‘rtoqlashdi.
"Biz uchun hammasi ajoyib ketmoqda. Jamoa Chempionlar ligasidagi so‘nggi to‘rtta o‘yinda g‘alaba qozondi, ammo yakuniy g‘alabaga erishish juda qiyin bo‘ladi. Hozir "Arsenal" o‘z muammolariga qaramay barqaror o‘yin ko‘rsatmoqda. Bizda har qanday raqib bilan raqobatlasha oladigan ajoyib jamoa bor", - dedi Arteta.
"Arsenal" umumiy hisobda uchinchi o‘rinni egalladi va 1/8 finalga yo‘l oldi.
