La Liga prezidenti Xavyer Tebas «Real Madrid»ning Ispaniya qirollik futbol federasiyasi (RFEF)ga hakamlik bo‘yicha rasmiy shikoyatiga munosabat bildirdi.  

Madrid klubi La Liganing 22-turi doirasida «Espanyol»ga qarshi o‘yinda (0:1) hakamlikni tanqid qilib, mamlakatda hakamlar tizimini to‘liq yangilash zarurligini ta’kidladi.  

Tebas bu shikoyat orqali «Real» chempionatga zarar yetkazish niyatida ekanini ta’kidladi:

«Real» o‘zini jabrlanuvchi sifatida ko‘rsatmoqda, bu esa haqiqatga to‘g‘ri kelmaydi. Ular Negreyra ishini noto‘g‘ri tahlil qilmoqda. Bu ishda Negreyra hakamlarning lavozimiga ta’sir o‘tkazgani isbotlandi, ammo hakamlarga to‘lovlar amalga oshirilgani aniqlanmadi.

«Real» esa o‘zini jabrlanuvchi qilib ko‘rsatmoqda, lekin bu ortiqcha va noo‘rin harakat. Ular chempionatga zarar yetkazishni maqsad qilgan, bayonotda La Liga boshidan oxirigacha nohaq ekani iddao qilingan. Ular aqldan ozishgan!» – deydi Tebas AS nashriga bergan intervyusida.