Londonning "Vest Xem" klubi ustozi Grem Potter amerikalik qo‘shiqchi Teylor Sviftning ashaddiy muxlisi ekanini tan oldi. Shuningdek, Potter "Oasis" va "Maine Road" kabi guruhlarni tinglashni yaxshi ko‘radi. Bularning barchasini u London radiolaridan biriga bergan intervyusida tan oldi.

Biroq, intervyu klub muxlislari orasida katta shov-shuvga sabab bo‘ldi - Potterning amerikalik qo‘shiqchiga muxlislik qilishi hammaga ham yoqmadi, ba’zilar hatto buni Angliyaning milliy manfaatlariga xiyonat deb bilishdi.

Hozirda "Vest Xem" muxlislari orasida Potterning iste’fosini talab qiluvchi harakat avj olmoqda. Klubning so‘nggi vaqtlardagi natijalari ham yaxshi emas - Potter o‘z lavozimiga tayinlanganidan buyon o‘tgan bir oydan ko‘proq vaqt ichida atigi bitta g‘alaba.