«Andijon»ning 13 fevral sanasida bo‘lib ikkita o‘rtoqlik uchrashuvlaridan keyin raqib jamoa bosh murabbiylari «Andijon» matbuot xizmatiga o‘z fikrlarini aytib o‘tdilar.

Bronislav Chervenka («Zlin» bosh murabbiyi):

“O‘yindan mamnun bo‘ldim. Chunki uchrashuv davomida bir qancha yaxshi vaziyatlarga ega bo‘ldik. Natijada bundan foydalanib gol urishni unutmadik. «Andijon» texnik va taktik tomondan yaxshi. Malakali futbolchilari bor. Ammo bizga xavf tug‘dirishlariga yo‘l qo‘ymaslikka harakat qildik”.

Andrey Finonchenko («Shaxtyor» bosh murabbiyi):

“Yaxshi o‘yin bo‘ldi. Ta’tildan keyingi birinchi o‘yinimiz bo‘lganligi uchun yigitlar jismonan tayyor emasligini ko‘rishimiz mumkin. Jamoangiz tezkor va to‘p bilan ham ancha yaxshi o‘ynadi. Faqat 2:0 ga yutqazganimiz biroz yomon bo‘ldi. Xatolarimizni ko‘rdik. Endi shu xatolarimizni to‘g‘rilaymiz. Chempionatda bunday xato qilgandan hozir shu xatoni to‘g‘rilaganimiz yaxshiroq. Asosiysi, birinchi o‘yindan yigitlar jismonan «nagruzka» oldilar. Chempionatda o‘ynaganda bunday jismoniy holatlar bo‘yicha ko‘proq ishlaymiz. Shuning uchun hozircha bu qiyinroq ko‘rinyapti. Aytganimdek, «Andijon» to‘p bilan chaqqonroq o‘ynayapti. Adashmasam, bu sizlarni 5- yo 6-o‘yiningiz-a, bizni esa birinchi o‘yinimiz. G‘alaba bilan tabriklayman.

«Andijon» menda yaxshi taassurot qoldirdi. Ajoyib harakatlari bor. Hammasi texnikasi yaxshi yigitlar. Qanday ochilishni bilishadi, gollar bor, yaxshi darvozaboni bor. Shu bois ham 2 ta gol kiritdilar. Jamoaga omad tilayman, shunday davom etinglar”.