Londonning "Arsenal" klubi bosh murabbiyi Mikel Arteta vingerlar Bukayo Saka va Gabriel Martinellining safga qaytishi haqidagi savolga javob berdi.
Ingliz dekabr oyida, braziliyalik esa fevral oyi boshida jarohat olgandi. Har ikki futbolchi ham tez orada jarohatlarini to‘liq davolashi kutilmoqda.
"Ular terma jamoalar o‘rtasidagi tanaffusdan keyin qaytadimi? Menimcha, ha, lekin keling, yaqin haftalarda tiklanish qanday bo‘lishini ko‘rib chiqamiz. Ikkalasini ham asta-sekin o‘yinga qo‘shish to‘g‘ri bo‘ladi, chunki ular uzoq vaqt yo‘q edi.
Hozir Bukayo va Gabrielning holati yaxshi, ammo qaytish haqida gapirishga hali erta. Ertaga yig‘ilish o‘tkazib, ularning ahvolini muhokama qilamiz. Ehtimol, Gabi ertaroq o‘ynay olar," - dedi Arteta "Nottingem Forest" (0:0) bilan o‘yindan keyin bergan intervyusida.
