Лондоннинг "Арсенал" клуби бош мураббийи Микель Артета вингерлар Букайо Сака ва Габриэль Мартинеллининг сафга қайтиши ҳақидаги саволга жавоб берди.

Инглиз декабрь ойида, бразилиялик эса февраль ойи бошида жароҳат олганди. Ҳар икки футболчи ҳам тез орада жароҳатларини тўлиқ даволаши кутилмоқда.

"Улар терма жамоалар ўртасидаги танаффусдан кейин қайтадими? Менимча, ҳа, лекин келинг, яқин ҳафталарда тикланиш қандай бўлишини кўриб чиқамиз. Иккаласини ҳам аста-секин ўйинга қўшиш тўғри бўлади, чунки улар узоқ вақт йўқ эди.

Ҳозир Букайо ва Габриэлнинг ҳолати яхши, аммо қайтиш ҳақида гапиришга ҳали эрта. Эртага йиғилиш ўтказиб, уларнинг аҳволини муҳокама қиламиз. Эҳтимол, Габи эртароқ ўйнай олар," - деди Артета "Ноттингем Форест" (0:0) билан ўйиндан кейин берган интервьюсида.