Мадриднинг «Реал» клуби «Манчестер Сити» ярим ҳимоячиси Родрини ўз сафига қўшиб олишга ҳаракат қилади.
Аввалроқ Флорентино Перес жароҳатлар билан боғлиқ муаммолар туфайли «шаҳарликлар» футболчисининг трансферига қарши чиққан эди, бироқ клубнинг бошқа масъул шахслари Жозе Моуриньо жамоасига 30 ёшли испаниялик футболчи жуда зарур деб ҳисоблашди. ESPN маълумотларига кўра, «Реал» ярим ҳимоячи учун 60 миллион евро таклиф қилишга тайёр. Бу етарли бўлмаслиги мумкин, чунки миш-мишларга кўра, «Манчестер Сити» 100 миллион евро талаб қилмоқда.
Transfermarkt портали экспертлари Родрининг қийматини 55 миллион еврога баҳолашмоқда. Жаҳон чемпионининг Англия гранди билан амалдаги шартномаси кейинги йилнинг ёзида тугайди.
