Машҳур футбол агенти Жорже Мендеш «Барселона» раҳбарияти билан муҳим трансфер масалаларини муҳокама қилиш учун Каталония пойтахтига ташриф буюрди. Клуб янги мавсум олдидан бир нечта муҳим келишувларни якунлашни мақсад қилган.
SPORT нашри хабарига кўра, Мендеш шаҳарга қўнгач, «Барселона» спорт директори Деку ҳамда клуб президенти маслаҳатчиси Алехандро Эчеваррия билан учрашган. Музокараларда клуб президенти Жоан Лапортанинг ҳам иштирок этиши кутилмоқда.
Агентнинг Барселонага ташрифидан асосий мақсад германиялик ҳужумчи Карим Адейемининг расмий тақдимот маросимида иштирок этиш бўлса-да, томонлар кун тартибидаги бошқа қатор масалаларни ҳам кўриб чиқишмоқда.
Хусусан, Мендеш мижозлари ҳисобланган Марк Касадонинг клубдаги мавҳум келажаки ҳамда Жоау Канселунинг «Барселона»га тўлиқ асосда қайтиши бўйича музокаралар олиб борилмоқда.
