Мадриднинг «Реал» клуби ҳужум чизиғини юлдуз футболчи билан кучайтирмоқчи. Янги ўйинчига жой бўшатиш учун «қаймоқранглилар» Гонсало Гарсия ёки Эндрик билан хайрлашишларига тўғри келади, деб хабар беради ESPN. Жамоа бош мураббийи Жозе Моуриньо мавсумолди тайёргарлик жараёнида ҳар иккала ҳужумчининг имкониятларини баҳолаб олмоқчи, шундан сўнг якуний қарор қабул қилинади. Катта эҳтимол билан испаниялик ёки бразилиялик футболчи ижарага юборилади.
Таъкидланишича, Эндрик яна ижарага кетишни истамаяпти: 20 ёшли футболчи жамоада қолиш ва асосий таркибдаги ўрин учун курашиш ниятида.
«Реал»нинг устувор трансфер нишони сифатида «Бавария» футболчиси Майкл Олисе кўрилмоқда — айнан унинг номзоди «Сантьяго Бернабеу»да энг кўп муҳокама қилинмоқда.
