Madridning «Real» klubi hujum chizig‘ini yulduz futbolchi bilan kuchaytirmoqchi. Yangi o‘yinchiga joy bo‘shatish uchun «qaymoqranglilar» Gonsalo Garsiya yoki Endrik bilan xayrlashishlariga to‘g‘ri keladi, deb xabar beradi ESPN. Jamoa bosh murabbiyi Joze Mourinyo mavsumoldi tayyorgarlik jarayonida har ikkala hujumchining imkoniyatlarini baholab olmoqchi, shundan so‘ng yakuniy qaror qabul qilinadi. Katta ehtimol bilan ispaniyalik yoki braziliyalik futbolchi ijaraga yuboriladi.
Ta’kidlanishicha, Endrik yana ijaraga ketishni istamayapti: 20 yoshli futbolchi jamoada qolish va asosiy tarkibdagi o‘rin uchun kurashish niyatida.
«Real»ning ustuvor transfer nishoni sifatida «Bavariya» futbolchisi Maykl Olise ko‘rilmoqda — aynan uning nomzodi «Santyago Bernabeu»da eng ko‘p muhokama qilinmoqda.
