"Bavariya" "Liverpul" vingeri Muhammad Salohni o‘z safiga qo‘shib olishga harakat qilmaydi, deb yozadi CaughtOffside.
32 yoshli misrlik futbolchining shartnomasi 2025 yilning 30 iyuniga qadar mo‘ljallangan va "Bavariya" uni erkin agent sifatida o‘z safiga qo‘shib olishga urinib ko‘rishi haqida ma’lumotlar bor edi. Shunga qaramay, manbaning ma’lum qilishicha, myunxenliklar Saloh bilan muzokara o‘tkazmaydi, aksincha, maosh fondini qisqartirishga intilmoqda.
O‘z navbatida, "Liverpul" hamon Muhammad bilan shartnomani uzaytirmoqchi, Saudiya Arabistoni Pro ligasi esa uni o‘z klublaridan biriga olib kelmoqchi.
