"Manchester Yunayted" xo‘jayini Jim Retkliff kuni kecha ba’zi futbolchilar klub darajasiga mos emasligi va yuqori maosh olishini aytdi. Bu borada "qizil iblislar" bosh murabbiyi Ruben Amorim izoh berdi.
"Hozir hamma qoniqarsiz ishlayapti. Men ham, futbolchilar ham. Men o‘zimni ham qoniqarsiz o‘yinning bir qismi sifatida his qilaman. Kazemiroga o‘xshagan futbolchilar hamma narsada g‘alaba qozonardi. Ular ancha yaxshi o‘ynay olishlarini bilamiz. Retkliff o‘z fikrida to‘g‘ri edi. Bizning maqsadimiz natijalar yordamida uning fikrini o‘zgartirmoq. Mashg‘ulotlarda futbolchilar buni juda xohlayotganini his qilyapman," - dedi Amorim jurnalistlarga.
