"Манчестер Юнайтед" хўжайини Жим Рэтклифф куни кеча баъзи футболчилар клуб даражасига мос эмаслиги ва юқори маош олишини айтди. Бу борада "қизил иблислар" бош мураббийи Рубен Аморим изоҳ берди.
"Ҳозир ҳамма қониқарсиз ишлаяпти. Мен ҳам, футболчилар ҳам. Мен ўзимни ҳам қониқарсиз ўйиннинг бир қисми сифатида ҳис қиламан. Каземирога ўхшаган футболчилар ҳамма нарсада ғалаба қозонарди. Улар анча яхши ўйнай олишларини биламиз. Рэтклифф ўз фикрида тўғри эди. Бизнинг мақсадимиз натижалар ёрдамида унинг фикрини ўзгартирмоқ. Машғулотларда футболчилар буни жуда хоҳлаётганини ҳис қиляпман," - деди Аморим журналистларга.
