"Барселона" Рональд Араухони "Ливерпул"га ижарага беришга рози бўлганидан сўнг, "Тоттенхэм" ҳимоячиси Кристиан Ромерони сотиб олишга тайёрланмоқда.
"Кўк-анорранглилар" уругвайлик футболчининг кетишидан кейин ҳимоядаги бўш ўринни муаммосиз тўлдира оладиган тажрибали, юқори даражадаги марказий ҳимоячини шошилинч равишда қидирмоқда. "Атлетико Мадрид" ҳозирда Ромеро учун келишувни якунлашга яқин. Бироқ, аргентиналик футболчи Каталония клубидан аниқ таклиф кутаётгани сабабли якуний қарорни кечиктирмоқда.
Лондонликларнинг ҳимоя етакчиси учун кураш яқин кунларда энг юқори чўққисига чиқиши кутилмоқда, чунки футболчининг ўзи "Камп Ноу"га ўтишни маъқул кўрмоқда.
