Ispaniya La Ligasining 28-turida "Betis" safarda "Leganes"ni mag‘lub etdi - 3:2.
Mehmonlar birinchi bo‘limdan so‘ng 0:2 hisobida yutqazayotgandi - "Leganes" safida Daniel Raba dublni rasmiylashtirdi. Hujumchi 29 va 44-daqiqalarda raqib darvozasini ishg‘ol qildi.
64-daqiqada Isko penaltidan unumli foydalanib, hisobni qisqartirdi. 78-daqiqada Sedrik Bakambu hisobni tenglashtirgan bo‘lsa, oradan 4 daqiqa o‘tib, Kucho Ernandes Iskoning uzatmasidan keyin mehmonlarga g‘alaba keltirdi.
"Betis" (44) La Ligada oltinchi o‘rinda bormoqda. "Leganes" (27) turnir jadvalida 18-o‘rinda bormoqda.
