Fransiya chempionatida 26-tur o‘yinlari bo‘lib o‘tdi, uning markaziy bahsi "PSJ" va "Marsel" o‘rtasida bo‘ldi. Unda parijliklar raqibini 3:1 hisobida mag‘lubiyatga uchratdi. O‘yin haqida "Marsel"ning italiyalik ustozi Roberto de Dzerbi o‘z fikrlarini bildirib o‘tdi.
"Ikkita golni juda osonlik bilan qabul qilib oldik, o‘zimiz esa ko‘p imkoniyatlardan foydalana olmadik. Har holda menga shunday tuyuldi - bizda yaxshi imkoniyatlar bo‘lgandi. Darvoqe, hozir "PSJ," menimcha, Yevropaning eng yaxshi jamoasi. Bu sharmandali mag‘lubiyat emas. Ilgari klubda buyuk o‘yinchilar bor edi, ammo jamoa yo‘q edi. Endi ularda jamoa ham paydo bo‘ldi va ularga qarshi o‘ynash juda qiyin bo‘lib qoldi," - dedi de Dzerbi.
