Франция чемпионатида 26-тур ўйинлари бўлиб ўтди, унинг марказий баҳси "ПСЖ" ва "Марсель" ўртасида бўлди. Унда парижликлар рақибини 3:1 ҳисобида мағлубиятга учратди. Ўйин ҳақида "Марсель"нинг италиялик устози Роберто де Дзерби ўз фикрларини билдириб ўтди.
"Иккита голни жуда осонлик билан қабул қилиб олдик, ўзимиз эса кўп имкониятлардан фойдалана олмадик. Ҳар ҳолда менга шундай туюлди - бизда яхши имкониятлар бўлганди. Дарвоқе, ҳозир "ПСЖ," менимча, Европанинг энг яхши жамоаси. Бу шармандали мағлубият эмас. Илгари клубда буюк ўйинчилар бор эди, аммо жамоа йўқ эди. Энди уларда жамоа ҳам пайдо бўлди ва уларга қарши ўйнаш жуда қийин бўлиб қолди," - деди де Дзерби.
