Xorvatiya terma jamoasi yetakchisi Luka Modrich Millatlar ligasi 1/4 finali birinchi o‘yinida Fransiya termasi ustidan qozonilgan g‘alaba haqida gapirdi. “Shaxmatchialr" o‘z maydonida Dide Desham shogirdlarini 2:0 hisobida mag‘lub etishdi.
“Ajoyib, ajoyib g‘alaba. Biz ajoyib o‘yin o‘tkazdik, ayniqsa birinchi bo‘limda yaxshi o‘ynadik. Tanaffusdan keyin raqiblar bizga bosim o‘tkazishdi, ular maydonda ko‘proq ustunlik qilishdi, ammo jamoamiz yaxshi himoyalanib, g‘alabali natijani saqlab qoldi. Bu yaxshi hisob, ammo hali hech narsa hal qilingani yo‘q", - deydi yarim himoyachi.
Xorvatiya va Fransiya terma jamoalarining javob o‘yini 23 mart kuni bo‘lib o‘tadi.
