Хорватия терма жамоаси етакчиси Лука Модрич Миллатлар лигаси 1/4 финали биринчи ўйинида Франция термаси устидан қозонилган ғалаба ҳақида гапирди. “Шахматчиалр" ўз майдонида Диде Дешам шогирдларини 2:0 ҳисобида мағлуб этишди.
“Ажойиб, ажойиб ғалаба. Биз ажойиб ўйин ўтказдик, айниқса биринчи бўлимда яхши ўйнадик. Танаффусдан кейин рақиблар бизга босим ўтказишди, улар майдонда кўпроқ устунлик қилишди, аммо жамоамиз яхши ҳимояланиб, ғалабали натижани сақлаб қолди. Бу яхши ҳисоб, аммо ҳали ҳеч нарса ҳал қилингани йўқ", - дейди ярим ҳимоячи.
Хорватия ва Франция терма жамоаларининг жавоб ўйини 23 март куни бўлиб ўтади.
