"Liverpul" himoyachisi Ibraim Konate Fransiya terma jamoasida jarohat oldi.
O‘tgan yakshanba kuni "Liverpul" Liga kubogi finalida "Nyukasl"ga mag‘lub bo‘lganida, Konate 57 daqiqadan so‘ng almashtirildi. Ibraimning "Uembli"dagi to‘qnashuvida ishtirok etishi avvaliga 25 yoshli himoyachining besh kun avval Chempionlar ligasi doirasida "PSJ"ga qarshi o‘yinida jarohat olganidan so‘ng shubha ostida qolgan edi.
Shunga qaramay, Fransiya bosh murabbiyi Didye Desham nafaqat Konateni chaqirdi, balki payshanba oqshomida Millatlar ligasining Xorvatiyaga qarshi o‘yinida Ibrohimani ham asosiy tarkibga kiritdi.
Desham shogirdlari 2:0 hisobida mag‘lub bo‘lgan o‘yin tanaffusda Konate uchun yakunlandi va Fransiya jamoasining rasmiy tvitter sahifasiga ishonadigan bo‘lsak, Ibraimning o‘zgarishi jarohati sabab bo‘lgan.
Liverpool Echo nashri eslatganidek, ushbu xalqaro tanaffus paytida "Liverpul" yarim himoyachisi Rayan Gravenberxni yo‘qotgan edi, u Niderlandiya terma jamoasini erta tark etib, "qizillar" kasalxonasida Jo Gomes, Trent Alexander-Arnold, Konor Bredli, Tayler Mortonlar safiga qo‘shildi.
