"Manchester Yunayted" afsonasi Yap Stamning fikricha, "qizil iblislar" bosh murabbiyi Ruben Amorim kelajakni himoyachi Lyuk Shousiz rejalashtirishi kerak.

Shou so‘nggi yillarda jarohatlardan aziyat chekdi va bu mavsumda jami 98 daqiqa o‘ynadi.

Stamning so‘zlariga ko‘ra, Amorim jamoani tiklash jarayonida jarohatga moyil bo‘lgan bunday futbolchiga shunchaki ishona olmaydi.

"Futbol klublari doimo oldinni o‘ylashlari kerak. Siz ishonadigan tarkib va har hafta tayyor bo‘ladigan futbolchilar bilan oldinga intishingiz kerak.

Menga o‘yinchi sifatida Lyuk Shou yoqadi, u juda ko‘p sifatga ega, lekin u tez-tez jarohat oladi, bu esa murabbiyni tanlash huquqini qoldiradi. Jamoani tuzayotganda siz ko‘pincha mavjud bo‘lgan va yuqori intensivlikdagi futbol bosimiga bardosh bera oladigan o‘yinchilarga tayanasiz.

Shouga nisbatan hurmatsizlik yo‘q, lekin klub kelajak uchun nima to‘g‘ri bo‘lishini tanlashi kerak. Balki usiz jamoaga e’tibor qaratishi kerak", - dedi Stam talkSPORT bilan suhbatda.