Karl-Xayns Rummenigge klublar o‘rtasidagi jahon chempionatining yangi formatini ma’qullamoqda.
"Eski format zerikarli bo‘lib qolgandi. Chempionlar Ligasi g‘olibi u yerga bordi va agar kutilmagan hodisa yuz bermasa, uyga sovrin bilan qaytishini bilardi.
Endi hammasi tubdan o‘zgaradi. Klublar o‘rtasidagi jahon chempionati haqiqatan ham murakkab turnir bo‘lib, unda 32 ta jamoa ishtirok etadi. Raqobat darajasi esa birgina Yevropaning 12 ta top jamoasi ishtirokini hisobga olsak, juda yuqori bo‘ladi," - dedi "Bavariya" kuzatuv kengashi a’zosi Sport1 nashriga bergan intervyusida.