Rossiya yoshlar terma jamoasi futbolchisi Kolumbiyadan uchib ketayotgan chog‘ida krossovkalarini o‘g‘irlatib yubordi.
"Mutko Protiv" Telegram-kanalining xabar berishicha, jinoyat qurboni SSKAning 20 yoshli himoyachisi Djamalutdin Abdulqodirov bo‘lgan. Ma’lumotlarga ko‘ra, u o‘yinlardan biridan so‘ng Kali – Bogota yo‘nalishidagi reysda kech qolganligi tufayli Istanbulga ucha olmagan, yoshlar terma jamoasi yig‘inidan so‘ng Kolumbiyani o‘z vaqtida tark eta olmagan futbolchilar qatorida bo‘lgan.
Krossovkalarning o‘g‘irlanishi Abdulqodirov Bogotadan Istanbulga uchayotgan vaqtda uxlab qolganida sodir bo‘lgani aytilmoqda. O‘g‘irlagan odam topilmadi; futbolchi bir martalik shippakda samolyotni tark etishga majbur bo‘ldi.
