Россия ёшлар терма жамоаси футболчиси Колумбиядан учиб кетаётган чоғида кроссовкаларини ўғирлатиб юборди.
"Мутко Против" Телеграм-каналининг хабар беришича, жиноят қурбони ЦСКАнинг 20 ёшли ҳимоячиси Джамалутдин Абдулқодиров бўлган. Маълумотларга кўра, у ўйинлардан биридан сўнг Кали – Богота йўналишидаги рейсда кеч қолганлиги туфайли Истанбулга уча олмаган, ёшлар терма жамоаси йиғинидан сўнг Колумбияни ўз вақтида тарк эта олмаган футболчилар қаторида бўлган.
Кроссовкаларнинг ўғирланиши Абдулқодиров Боготадан Истанбулга учаётган вақтда ухлаб қолганида содир бўлгани айтилмоқда. Ўғирлаган одам топилмади; футболчи бир марталик шиппакда самолётни тарк этишга мажбур бўлди.
