Испания миллий терма жамоаси ва «Барселона» ҳимоячиси Пау Кубарси 19 ёшида ўз позициясида дунёнинг энг қиммат футболчисига айланди. У бу борада Франция терма жамоаси ҳимоячиси Вильям Салиба билан бир хил кўрсаткичга эга.
Transfermarkt таҳлилий портали 2026 йилги жаҳон чемпионати якунларига кўра испаниялик футболчининг трансфер қийматини 20 миллион еврога оширди. Ҳозирда Кубарсининг бозор қиймати 100 миллион еврога баҳоланмоқда.
Аввалроқ ФИФА Пау Кубарсини ЖЧ-2026нинг энг яхши ёш футболчиси деб эътироф этган эди. Ҳимоячи мусобақада Испания терма жамоасининг барча саккиз учрашувида майдонга тушди. У гол ёки голли узатма билан ажралиб турмаган бўлса-да, Испания турнир давомида атиги битта гол ўтказиб юборди ва финалда Аргентинани 1:0 ҳисобида мағлуб этиб, жаҳон чемпионлигига эришди.
