Braziliya futbol konfederasiyasi (CBF) rasmiy saytida Dorival Junior Braziliya terma jamoasi bosh murabbiyligidan iste’foga chiqarilganini e’lon qildi.
"Dorival Junior endi Braziliya terma jamoasini boshqarmaydi. Rahbariyat unga professionalligi uchun minnatdorchilik bildiradi va kelgusi faoliyatida muvaffaqiyatlar tilaydi. Bundan buyon CBF unga o‘rinbosar izlaydi," - deyiladi press-relizda.
Braziliyalik mutaxassis jamoa bilan 2024 yilning yanvaridan buyon ishlab kelayotgandi. Uning qo‘l ostida braziliyaliklar 16 o‘yinda 7 g‘alaba va 6 durang qayd etishgan.
26 mart, chorshanba kuni Braziliya terma jamoasi JCH-2026 saralashida Argentinaga yirik hisobda mag‘lub bo‘ldi (1:4).
