"Napoli" bosh murabbiyi Antonio Konte kelajagi haqidagi savolga javob berdi.

"Milan" bilan yakshanba kungi uchrashuv boshlanishidan oldin jurnalistlar murabbiyning klubda qolishi haqida sport direktori Jovanni Mannadan so‘rashdi. O‘yin yakunlangach, savol Kontening o‘ziga berildi - mutaxassis "Yuventus" va "Milan"dagi lavozimga potensial nomzod hisoblanadi.

"Men "Napoli"ga juda yaxshi moslashdim. Bu yerga kelgan birinchi kunimdanoq meni qo‘llab-quvvatlab kelayotgan muxlislar oldida qarzdorman. O‘ylaymanki, biz futbolchilar bilan muxlislarning sadoqati uchun qisman haq to‘ladik. Biz g‘ayrioddiy, mo‘’jizaviy ishni uddalayotganimizni hamma anglab yetishini istayman. Hozir A Seriyaning qolgan o‘yinlariga e’tibor qaratish kerak, shundan keyingina kelajak haqida o‘ylaymiz," - deya Kontening so‘zlarini keltiradi Football Italia.