Germaniyaning sobiq hujumchisi va milliy terma jamoasining avvalgi murabbiyi Yurgen Klinsmann 2006 yilgi jahon chempionati yarim finalida Italiya va Germaniya terma jamoalari o‘rtasidagi afsonaviy o‘yinni xotirladi. Germaniya terma jamoasi 2000 yillarning boshidagi muvaffaqiyatsizliklardan so‘ng ancha yoshartirilgan tarkib bilan maydonga chiqqan edi va Klinsmann buni muhim omil deb hisoblaydi. Uning ta’kidlashicha, italiyaliklar ancha tajribali bo‘lishgan.
"Jamoamiz yosh edi, uni shakllantirish uchun atigi ikki yil vaqtimiz bor edi. Shuncha yil o‘tgach, hozir nima deya olaman? Italiya bizdan yaxshiroq o‘ynadi, ularning tarkibida yetukroq, tajribaliroq futbolchilar va mos darajadagi murabbiy - Marchello Lippi bor edi," - deya Klinsmannning so‘zlarini keltiradi pianetamilan.it.
