"Bavariya" "Bayer" yarim himoyachisi Florian Virsning oilasi bilan bir necha uchrashuv va muzokaralar o‘tkazdi, deya xabar bermoqda Sky Sports jurnalisti Florian Plettenberg.
Myunxenliklar yozda o‘zi uchun rekord darajadagi transferni amalga oshirishga tayyor. Shu bilan birga, "Bayer" Virsni kamida 2026 yilning yozigacha jamoada saqlab qolishiga ishonchi komil. Florianning klub bilan shartnomasi 2027 yilning 30 iyuniga qadar amal qiladi va tomonlar uni uzaytirish bo‘yicha hali kelishib olmagan.
Virs uchun kurashda "Bavariya"ning asosiy raqobatchisi "Manchester Siti" bo‘lib qolmoqda. Ammo Florianning oilasi u bir kun kelib xorijga ko‘chib o‘tishidan oldin "Bavariya"ga o‘tishga moil.













