"Inter" bosh murabbiyi Simone Indzagi jamoaning joriy mavsumdagi taqvimi haqida gapirdi.
Shanba kuni "neradzurrilar" A Seriyada "Kalyari"ni mag‘lub etdi (3:1). Chorshanba kuni "Bavariya"ga qarshi Chempionlar ligasi chorak finalining javob uchrashuvi bo‘lib o‘tadi. 8 aprel kuni Myunxenda bo‘lib o‘tgan birinchi uchrashuvda milanliklar g‘alaba qozonishgandi - 2:1.
"O‘tgan mavsumda biz jami 49 ta o‘yin o‘tkazdik, hozir esa shu kungacha 48 ta o‘yin o‘tkazdik. Bu juda og‘ir mavsum, biroq biz moslashyapmiz. Hamma jamoa manfaati uchun o‘zini qurbon qiladi", - dedi Indzagi Football Italia bilan suhbatda.
"Inter" A Seriyaning 32-turidan so‘ng "Napoli"dan 6 ochko oldinda va peshqadamlik qilmoqda. Antonio Konte jamoasida hali bitta zaxira o‘yin bor.
