"Интер" бош мураббийи Симоне Индзаги жамоанинг жорий мавсумдаги тақвими ҳақида гапирди.
Шанба куни "нерадзуррилар" А Серияда "Кальяри"ни мағлуб этди (3:1). Чоршанба куни "Бавария"га қарши Чемпионлар лигаси чорак финалининг жавоб учрашуви бўлиб ўтади. 8 апрель куни Мюнхенда бўлиб ўтган биринчи учрашувда миланликлар ғалаба қозонишганди - 2:1.
"Ўтган мавсумда биз жами 49 та ўйин ўтказдик, ҳозир эса шу кунгача 48 та ўйин ўтказдик. Бу жуда оғир мавсум, бироқ биз мослашяпмиз. Ҳамма жамоа манфаати учун ўзини қурбон қилади", - деди Индзаги Football Italia билан суҳбатда.
"Интер" А Сериянинг 32-туридан сўнг "Наполи"дан 6 очко олдинда ва пешқадамлик қилмоқда. Антонио Конте жамоасида ҳали битта захира ўйин бор.
