"Bayer" "Manchester Siti"dan hujumkor yarim himoyachi Florian Virs o‘rniga ikki futbolchi so‘radi.
100 million funt sterlingga baholangan Virs "Manchester Siti"ning mavsum oxirida "Etihad"ni tark etadigan Kevin De Bryuyne o‘rnini egallashdagi birinchi raqamli maqsadi hisoblanadi.
Daily Mirror nashri xabariga ko‘ra, "Bayer" delegasiyasi shu haftada "Manchester Siti"ning mashg‘ulot maydoniga rejalashtirilgan tashrif buyurib, darvozabon Stefan Ortega va yarim himoyachi Jeyms Makatini Germaniyaga olib ketish istagini bildirgan.
"Shaharliklar" bosh murabbiyi Pep Gvardiola Makatining ashaddiy muxlisi, ammo "shaharliklar" agar "Bayer" ikkala futbolchini ham to‘g‘ri baholasa, Jeyms va Ortegani Virs bilan shartnomaga qo‘shishga tayyor.
"Manchester Siti" hozirda Makati uchun 25 million funt, Ortega uchun 15 million funt talab qilmoqda.
"Bavariya" Virsga jiddiy qiziqish bildirmoqda, ammo 21 yoshli nemis futbolchi yangi shartnoma imzolamasa, "Bayer" Florianni Bundesligadan tashqarida sotishni afzal ko‘radi.
