Joriy mavsum o‘rtasida Italiyaning "Komo" klubiga ko‘chib o‘tgan Assane Diao Yevropaning eng umidli futbolchilaridan biriga aylanib ulgurdi. Fichajes nashri xabariga ko‘ra, "Nottingem Forest" yosh vinger transferi uchun 40 million yevrolik taklif bilan chiqqan.
"Komo" Diaoni 11,5 million yevroga sotib olgan bo‘lsa-da, u futbolchining 80 foiz huquqiga ega. Qolgan 20 foizi "Real Betis"da qoladi, u shu tariqa futbolchini APLga sotsa, taxminan 8 million yevro ishlab olishi mumkin.
"Nottingem Forest"ning qiziqishi ajablanarli emas - Diao A Seriyada o‘zini ko‘rsatishga ulgurdi, yuqori darajadagi o‘yin va salohiyatni namoyish etdi. Ingliz klubi unga jiddiy sarmoya kiritishga tayyor. Oxirgi so‘z "Komo"da: foydali taklifni hoziroq qabul qilish yoki futbolchini yana bir mavsumga olib qolish.
Eslatib o‘tamiz, hujumchi joriy mavsum "Komo" safida barcha musobaqalarda 14 ta o‘yinda 6 ta gol va 1 ta golli uzatmani amalga oshirdi.













