Жорий мавсум ўртасида Италиянинг "Комо" клубига кўчиб ўтган Ассане Диао Европанинг энг умидли футболчиларидан бирига айланиб улгурди. Fichajes нашри хабарига кўра, "Ноттингем Форест" ёш вингер трансфери учун 40 миллион евролик таклиф билан чиққан.
"Комо" Диаони 11,5 миллион еврога сотиб олган бўлса-да, у футболчининг 80 фоиз ҳуқуқига эга. Қолган 20 фоизи "Реал Бетис"да қолади, у шу тариқа футболчини АПЛга сотса, тахминан 8 миллион евро ишлаб олиши мумкин.
"Ноттингем Форест"нинг қизиқиши ажабланарли эмас - Диао А Серияда ўзини кўрсатишга улгурди, юқори даражадаги ўйин ва салоҳиятни намойиш этди. Инглиз клуби унга жиддий сармоя киритишга тайёр. Охирги сўз "Комо"да: фойдали таклифни ҳозироқ қабул қилиш ёки футболчини яна бир мавсумга олиб қолиш.
Эслатиб ўтамиз, ҳужумчи жорий мавсум "Комо" сафида барча мусобақаларда 14 та ўйинда 6 та гол ва 1 та голли узатмани амалга оширди.
