Turkiyaning "Galatasaroy" klubi rahbariyati jamoa forvardi Viktor Osimxenni jamoada qolishga ko‘ndirmoqchi. Bu haqda jurnalist Ekrem Qonur xabar bermoqda.
Eslatib o‘tamiz, 26 yoshli nigeriyalik futbolchi "Galatasaroy" safida ijara asosida to‘p tepmoqda. Futbolchining shartnomasi "Napoli"ga tegishli.
Manbaga ko‘ra, turk jamoasi Osimxenni olib qolishni istamoqda, ammo boshqa top-klublarning moliyaviy takliflarini sindira olmaydi. Shu bilan birga, hujumchining o‘zi ham kuchliroq Yevropa jamoasida o‘ynashni xohlaydi, deya ta’kidlaydi manba.
Osimxen joriy mavsum barcha musobaqalarda 33 ta uchrashuvda qatnashib, 29 ta gol urdi va 6 ta golli uzatmaga mualliflik qildi.
