“Inter” darvozaboni Yann Zommer Chempionlar ligasi chorak finali javob uchrashuvida “Bavariya” bilan durang (2:2) haqida fikr bildirdi. Milanliklar ikki o‘yin natijasiga ko‘ra yarim finalga yo‘l oldi.

"Juda charchadim, lekin juda, juda xursandman. Biz kuchli raqibga qarshi yaxshi o‘yin o‘tkazdik. Ikkinchi bo‘limda biz jamoa sifatida juda yaxshi himoyalandik. Men "Bavariya"ni yaxshi bilaman, ular bizga katta bosim o‘tkazishdi va biz orqaga o‘tdik. Lekin biz jamoa sifatida yaxshi himoyalandik, g‘alabalar ham shunday bo‘ladi. Bugun biz har bir o‘yinda bor kuchimizni berishimiz kerakligini ko‘rdik", - deya Zommerning so‘zlarini keltiradi UEFA matbuot xizmati.

Yarim finalda "Inter" "Barselona" bilan o‘ynaydi. Birinchi o‘yin 29 aprel kuni Ispaniyada, javob o‘yini esa 6 may kuni Italiyada bo‘lib o‘tadi.