Belgiyaning "Bryugge" klubiga tegishli bo‘lgan qanot himoyachisi Maksim de Keyper Ispaniya chempionatiga ko‘chib o‘tishi mumkin. Bu haqda Todofichajes portali xabar bermoqda.
Manbaga ko‘ra, 24 yoshli futbolchiga Madridning "Atletiko" klubi qiziqish bildirmoqda. De Keyperning ehtimoliy transferi 16 million yevroga baholanmoqda. Belgiya jamoasi safida Maksim 2020 yilning yanvar oyidan buyon to‘p tepib kelmoqda.
Belgiya chempionatining joriy mavsumida himoyachi 30 ta o‘yinda maydonga tushib, 3 ta gol va 5 ta golli uzatmani o‘z hisobiga yozdirib qo‘ydi.













