Бельгиянинг "Брюгге" клубига тегишли бўлган қанот ҳимоячиси Максим де Кейпер Испания чемпионатига кўчиб ўтиши мумкин. Бу ҳақда Todofichajes портали хабар бермоқда.
Манбага кўра, 24 ёшли футболчига Мадриднинг "Атлетико" клуби қизиқиш билдирмоқда. Де Кейпернинг эҳтимолий трансфери 16 миллион еврога баҳоланмоқда. Бельгия жамоаси сафида Максим 2020 йилнинг январь ойидан буён тўп тепиб келмоқда.
Бельгия чемпионатининг жорий мавсумида ҳимоячи 30 та ўйинда майдонга тушиб, 3 та гол ва 5 та голли узатмани ўз ҳисобига ёздириб қўйди.













