Уругвай иккинчи дивизиони футбол ўйини пайтида ғайриоддий воқеа содир бўлди.
Воқеа 8 август куни Монтевидеодаги "Парк АНКАП" стадионида "Уругвай Монтевидео" ва "Пайсанду" ўртасидаги ўйин пайтида содир бўлган.
Бир воқеада, футболчининг кучли зарбасидан сўнг, тўп стадиондан учиб чиқиб, яқин атрофдаги автомагистралга тушди.
Тўпнинг тўсатдан йўлда пайдо бўлганини кўрган ҳайдовчи кескин тормоз босган. Орқасидаги машина тўхтай олмаган ва олдинги машинага урилган.
Ғайриоддий бахтсиз ҳодиса лаҳзаси футбол ўйини трансляциясида тасвирга олинган. Ҳодиса тасвирлари тез орада ижтимоий тармоқларда тарқалиб, кенг қизиқиш уйғотди.
Беллашувда "Уругвай Монтевидео" "Пайсанду"ни 1:0 ҳисобида мағлуб этди.
