Urugvay ikkinchi divizioni futbol o‘yini paytida g‘ayrioddiy voqea sodir bo‘ldi.
Voqea 8 avgust kuni Montevideodagi "Park ANKAP" stadionida "Urugvay Montevideo" va "Paysandu" o‘rtasidagi o‘yin paytida sodir bo‘lgan.
Bir voqeada, futbolchining kuchli zarbasidan so‘ng, to‘p stadiondan uchib chiqib, yaqin atrofdagi avtomagistralga tushdi.
To‘pning to‘satdan yo‘lda paydo bo‘lganini ko‘rgan haydovchi keskin tormoz bosgan. Orqasidagi mashina to‘xtay olmagan va oldingi mashinaga urilgan.
G‘ayrioddiy baxtsiz hodisa lahzasi futbol o‘yini translyasiyasida tasvirga olingan. Hodisa tasvirlari tez orada ijtimoiy tarmoqlarda tarqalib, keng qiziqish uyg‘otdi.
Bellashuvda "Urugvay Montevideo" "Paysandu"ni 1:0 hisobida mag‘lub etdi.
