"Barselona" yarim himoyachisi Frenki de Yong jamoasining o‘yin uslubi haqida gapirdi.

“Ko‘k-anorranglilar” Chempionlar ligasining birinchi yarim finalida Milanning “Inter” jamoasi bilan 3:3 hisobidagi bahsni o‘tkazishdi. Joriy turnirda Kataloniya grandi aql bovar qilmaydigan 40 ta gol urdi.

"Biz hujumkor futbol o‘ynashni, o‘yinni nazorat qilishni va gol urishni yaxshi ko‘ramiz, shuning uchun bu juda zo‘r. Albatta, biz shunday harakat qilish orqali ma’lum bir tavakkal qilamiz, lekin menimcha, ijobiy tomonlari salbiy tomonlardan ustun turadi. Biz shu tarzda o‘ynashda davom etamiz", - deya de Yong iqtibos keltiradi Barca Universal.