"Барселона" ярим ҳимоячиси Френки де Йонг жамоасининг ўйин услуби ҳақида гапирди.

“Кўк-анорранглилар” Чемпионлар лигасининг биринчи ярим финалида Миланнинг “Интер” жамоаси билан 3:3 ҳисобидаги баҳсни ўтказишди. Жорий турнирда Каталония гранди ақл бовар қилмайдиган 40 та гол урди.

"Биз ҳужумкор футбол ўйнашни, ўйинни назорат қилишни ва гол уришни яхши кўрамиз, шунинг учун бу жуда зўр. Албатта, биз шундай ҳаракат қилиш орқали маълум бир таваккал қиламиз, лекин менимча, ижобий томонлари салбий томонлардан устун туради. Биз шу тарзда ўйнашда давом этамиз", - дея де Йонг иқтибос келтиради Barca Universal.