"Barselona" himoyachisi Jyul Kunde Chempionlar Ligasi yarim finalidan o‘rin olgan "Inter"ga qarshi o‘yinda olgan jarohati haqida gapirdi.
"Mavsumning bunday mas’uliyatli qismida jarohat olish juda achinarli, ammo ba’zida inson o‘zi bilan sodir bo‘layotgan barcha narsalarni nazorat qila olmaydi. Jamoa kim maydonga tushishidan qat’i nazar, buni uddalashiga ishonchim komil. Qo‘llab-quvvatlaganingiz uchun barchangizga rahmat, bu men uchun katta ahamiyatga ega," - deb yozdi Kunde ijtimoiy tarmoqda.













