Madridning “Real” jamoasi navbatdagi transfer strategiyasi sifatida yana bir yulduz futbolchini erkin agent sifatida o‘z safiga qo‘shishni ko‘zlamoqda.

Avvalroq “qirollik klubi” Kilian Mbappe bilan shartnoma tuzgan edi, endi esa “Liverpul”ning himoyachisi Trent Aleksandr-Arnold ham ushbu yo‘ldan borishi kutilmoqda. Marca nashri xabariga ko‘ra, “Real”ning diqqat markazida yana bir “qizillar” futbolchisi — Ibraima Konate turibdi.

Ma’lumotlarga ko‘ra, “Real” fransuz markaziy himoyachisining “Liverpul” bilan 2026 yil yozida tugashi kerak bo‘lgan shartnomasini uzaytirmasligiga umid qilmoqda. Agar shunday bo‘lsa, “qaymoqranglilar” Konateni ham erkin agent sifatida olib kelishni rejalashtirmoqda.