Dortmundning "Borussiya" klubi "Sanderlend" yarim himoyachisi Job Bellingemga qiziqish bildirmoqda. Gap hozirda "Real" sharafini himoya qilayotgan yulduz Jud Bellingemning ukasi haqida ketmoqda.
Ruhr Nachrichten nashrining xabar berishicha, chorshanba kuni kichik Bellingem bo‘yicha muzokaralar uchun direktorlar Lars Rikken va Sebastyan Kel, shuningdek, "Borussiya" bosh murabbiyi Niko Kovach Angliyaga jo‘nab ketgan.
Eslatib o‘tamiz, Job Bellingem Chempionshipda mavsumning eng yaxshi yosh futbolchisi deb topilgandi. 19 yoshli yarim himoyachi nufuzli Transfermarkt portali tomonidan 22 million yevroga baholanmoqda.













