Joan Laporta Xansi Flikning fazilatlari haqida gapirdi.
Nemis mutaxassisi "Barselona"dagi ilk mavsumidayoq La Liga, Ispaniya Superkubogi va Ispaniya kubogini qo‘lga kiritdi.
"Deku bizni Flik bilan shartnoma imzolashga ko‘ndirdi. Uning aytishicha, Xansi bu jamoani boshqarish uchun ideal inson edi. Bizda ajoyib o‘yinchilar bor. Murabbiyga to‘liq ishonamiz.
Xansi o‘zining nimalarga qodirligini ko‘rsatdi: professional, qattiqqo‘l, intizomli, lekin o‘yinchilar bilan muloqotda alohida sezgirlik bilan.
U talabchan odam, lekin chegarani biladi", - dedi “Barselona” prezidenti Joan Laporta.













